Que medimos e que non
As pautas de accesibilidade (WCAG 2.2, nivel AA) son uns cincuenta criterios. Unha parte pódese comprobar de forma automática; outra necesita que unha persoa use a web. Contámoscho claro para que saibas que tes na man.
Na análise gratuíta e no informe
- Imaxes, iconas e botóns sen nome, e ligazóns baleiras.
- Campos de formulario e despregables sen etiqueta, tamén os que só teñen un texto de exemplo que desaparece ao escribir.
- Contraste dos textos co seu fondo.
- Idioma da páxina, títulos de páxina e dos contidos incrustados.
- Títulos (encabezados) e zona principal de cada páxina.
- Menús, listas e lapelas mal construídos para o lector de pantalla.
- A portada en pantalla de móbil (zoom bloqueado, botóns demasiado pequenos para o dedo) e co aviso de cookies tal como chega (se ten nome e etiquetas; no informe ampliado, ademais, se se chega a el co teclado).
- Se hai declaración de accesibilidade e se a web leva un widget de accesibilidade.
Ademais, no informe ampliado
Nas 3 páxinas principais e ata 24 imaxes:
- Uso co teclado: salto ao contido, trampas, foco visible, foco que se perde en cousas ocultas, orde, e cousas que se preman co rato pero non co teclado.
- Se a descrición de cada imaxe serve de verdade, cunha proposta.
- Se os nomes de botóns e ligazóns se entenden: idioma, xerga, repetidos, «ler máis».
- Borrador da declaración de accesibilidade.
O que ten que revisar unha persoa
- Os procesos completos: buscar, engadir ao carro, rexistrarse, pagar, pedir cita.
- As mensaxes de erro dos formularios e os avisos que aparecen sen recargar.
- Xanelas emerxentes e diálogos (que se poidan pechar con Escape e devolvan o foco), menús despregables, carruseis e outros controis feitos a medida.
- Que a orde de lectura e as descricións teñan sentido no seu contexto.
- Vídeos (subtítulos e audiodescrición), audios e documentos que se descargan.
- Captchas, tempos límite e contido que se move só.
- O uso real con lectores de pantalla no móbil e no ordenador.
Non emitimos selos nin certificados. Nin unha máquina nin un informe automático poden certificar que unha web é accesible.
Estamos preparando revisións con persoas cegas e con baixa visión, pagadas polo seu traballo. Escríbenos se che interesa.